உனக்காயிரு!

~

பிடிக்காத கணவர் கூட இருக்குற பெண் ஒருத்தர் எல்லாத்தையும் தாண்டி இந்த வாழ்க்கை என் தேர்வுங்குறதால, நா திரும்ப திரும்ப இத தேர்ந்தெடுக்க முடியிது. இல்லாதபட்சம் நா முதல் சண்டையிலயே பிரிஞ்சி போயிருப்பேன்னு சொல்றாங்க.

நா விரும்பி செஞ்ச தொழில்ல தோல்விய சந்திச்சதுக்கு அப்றமும் எந்த விதத்துலயும், யாரையும் பாதிக்காத வகையில நா அடுத்த கட்டத்துக்கு நகர்ந்து போக முயற்சி செய்றேன். நான்தான் முன்னாடியே சொன்னேன்லன்னு சிலர் வந்து நிக்கிறப்ப என் கஷ்டமான சூழ்நிலையில நீங்கல்லாம் எங்க போனீங்கன்னு கேக்க தோனுதுன்னு ஒருத்தர் சொல்றார்.

தொழில் செய்றதுதான் சரின்னு ஒருத்தரும், வேலைதான் சரின்னு ஒருத்தரும், அதுலயும் குறிப்பிட்ட ஒரு வேலைதான் சரின்னு ஒருத்தரும் குழப்பத்துக்கு நடுவுல அவங்க நம்ம வாழ்க்கையில எவ்வளவு முக்கியமானவங்கன்னு அடையாளப்படுத்திட்டே சொல்லுவாங்க.

அக்கறையும், அறிவுரையும், அது சார்ந்த முடிவுகளும் நல்லதாவே இருந்தாலும் அது நம்மகிட்ட அதிகார தோரணையோட வர விடவே கூடாதுன்னு யாரோ சொல்லி கேட்ட நியாபகம். அவரவர் தேர்வையும், ஆசையையும், வாழ்க்கையோட போக்கையும் அவரவரே தீர்மானிப்பதுதான் இங்க சுவாரசியமே.

ஒரு சம்பந்தமில்லாத Topic-க்கு நடுவுல "நா உம்மேல உண்மையாவே அக்கறையிலதான் சொல்றேன்னு உனக்கே தெரியும். நா சொல்றத செஞ்சாதான் நீ நல்லாருப்ப"ன்னு ஒருத்தர் ரொம்ப தைரியமாவும், பெருமையாவும் சொல்லும் போது சிவப்பு மஞ்சள் பச்சை படத்துல வர்ர ஒரு வசனம்தான் நியாபகம் வந்துச்சு.

"நமக்கு Lift குடுத்தாங்கங்குறதுக்காக நம்ம போக வேண்டிய இடத்த மத்தவங்க முடிவு பண்ணக்கூடாது"

#BeyouForyou ♥